monumenta.ch > Plinius > sectio 69
Word Selection for Searching
Report an Error in this Sectio
Plinius, Naturalis Historia, 16, 69
{XXVII} reperitur et in alno tuber, tanto deterius, quantum ab acere alnus ipsa distat. aceris mares prius florent. etiamnum in siccis natae praeferuntur aquaticis, sicut et fraxini. est trans Alpes arbor simillima aceri albo materie, quae vocatur staphylodendron. fert siliquas et in iis nucleos sapore nucis abellanae.